Foto: hcbarys.kz
Astanalyq klýb amerıkalyq qorǵaýshy Raılı Ýolshpen kelisimshartty resmı túrde 2027 jyldyń 31 mamyryna deıin uzartty. «Barystyń» úzdik qorǵaýshysy Astanada taǵy bir jyl kóleminde júretin boldy. Ýolsh Qazaqstanda nebári bir maýsym ótkizse de, osy ýaqyt ishinde komandanyń negizgi kóshbasshylarynyń birine jáne jankúıerlerdiń súıikti oıynshysyna aınalyp úlgerdi.
Amerıkalyq hokkeıshi QHL chempıonatynda 68 match ótkizip, 46 upaı jınady. 16 gol soǵyp, 30 nátıjeli pas shyǵarǵan.
Nátıjesinde qorǵaýshy «Barystyń» eń úzdik surmergen-qorǵaýshysy atanyp qana qoımaı, búkil lıgadaǵy eń nátıjeli bes qorǵaýshynyń qataryna endi.
Sonymen qatar dál Ýolsh astanalyq klýb sapynda muz aıdynynda eń kóp ýaqyt ótkizgen oıynshy boldy. Ol orta eseppen bir matchta 22 mınýt oınaǵan.
Al oıynshynyń aılyq jalaqysana keletin bolsaq, reseılik sport sarapshysy Mıhaıl Zıslıstiń málimet boıynsha qorǵaýshynyń bir maýsymdaǵy jalaqysy 45 mln rýbldi quraıdy. Bizdiń valıýtaǵa aınaldyrǵanda bul shamamen 297 mln teńge. Alaıda «Barys» klýby oıynshylardyń jalaqysy týraly tis jarmaıdy.
Aıta keteıik, О́tken maýsymda «Barys» chempıonat kestesinde 10-shy orynda turaqtady. Komanda 68 matchta 54 upaı jınaǵanymen, bul kórsetkish olardy pleı-off kezeńine shyǵarǵan joq. Astanalyq klýb maýsym barysynda 154 shaıba soqsa, óz qaqpasyna 208 shaıba jiberip aldy.
